A musica è a sprissione artistica a più diffusa.
Classica, pupulare, ligera, antica o muderna, a musica è sempre prisente in ogni circustanza di a vita d’inghjunu.
Povara o ricca, l’avemu tutti à purtata di manu. Ùn ci pò righjunghje e capisce alcun’altra forma d’arte cusì faciule.
Musica par pigliassi u svagu, musica par ripusassi, musica par ballà, musica par fà a cumpagnia à a sulitudine, musica par maritassi, musica pà i ninninanna, pusica par prigà, musica par arricurdassi, musica par cuntà, musica par more.
Ùn c’è bisognu d’andà à a scola par capisce a musica.
​Sì no pusassimu tutti ingrent’à una stanza à ascultà una musica, Chinesi, Taliani, Egiziani, Amiricani, Africani, Australiani, Iraniani, Inglesi, Afgani, Turchi, Muldavi, u so linguaghju univirsale unisciaria à inghjunu di noi par via di l’emuzione e ci pudariamu capisce ancu senza parolle.